Tanzania yaongoza Afrika Mashariki kwa uwekezaji

Kaimu Mkurugenzi Mkuu wa Kituo cha Uwekezaji nchini (TIC), Nakuala Senzia (wa kwanza kulia), akizungumza wakati wa uzinduzi wa ripoti ya Dunia ya mwaka 2015 kuhusu uwekezaji mara tu baada ya kuizindua kwenye hafla fupi iliyofanyika jijini Dar es Salaam jana. Pembeni yake ni Katibu Mkuu Ofisi ya Waziri Mkuu Dk. Florence Turuka (wa kwanza kulia), Mwenyekiti wa Bodi ya Kituo cha Uwekezaji nchini (TIC),  Prof. Lucian Msambichaka (Katikati) na Mjumbe wa kamati ya Bodi ya TIC, Dr Frances Shao.

 

Katibu Mkuu Ofisi ya Waziri Mkuu Dk. Florence Turuka (kulia) na Mwenyekiti wa Bodi ya Kituo cha Uwekezaji nchini (TIC),  Prof. Lucian Msambichaka kwa pamoja wakizindua ripoti ya Dunia ya mwaka 2015 kuhusu uwekezaji kwenye hafla fupi iliyofanyika jijini Dar es Salaam jana.

Katibu Mkuu Ofisi ya Waziri Mkuu Dk. Florence Turuka (wa pili kulia) akionyesha ripoti ya Dunia ya mwaka 2015 kuhusu uwekezaji mara tu baada ya kuizindua kwenye hafla fupi iliyofanyika jijini Dar es Salaam jana. Wanaoshuhudia  ni Kaimu Mkurugenzi Mkuu wa Kituo cha Uwekezaji nchini (TIC), Nakuala Senzia (wa kwanza kulia), Mwenyekiti wa Bodi ya TIC,  Prof. Lucian Msambichaka (wa pili kushoto) na Mjumbe wa kamati ya Bodi ya TIC, Dr Frances Shao.

Baadhi ya wageni waalikwa na wafanyakazi wa TIC waliohudhuria hafla fupi ya uzinduzi wa ripoti ya Dunia ya mwaka 2015 kuhusu uwekezaji iliyofanyika jijini Dar es Salaam jana wakifuatilia uwasilishaji wa mada mbalimbali kuhusu uwekezaji zilizoambatana na uzinduzi huo.

…………………………………….

Na Mwandishi watu

Tanzania imefanikiwa kukuza uwekezaji wa nje wa moja kwa moja (FDI) kwa asilimia 14.5 ongezeko linaloelezwa kuchangiwa na uvumbuzi wa gesi hapa nchini.

Kwa mujibu wa ripoti ya Dunia ya mwaka 2015 kuhusu uwekezaji iliyozinduliwa jana jijini Dar es Salaam, ongezeko hilo linaifanya Tanzania iendelee kuwa kinara kwenye aina hiyo ya uwekezaji dhidi ya mataifa mengine yanayounda Jumuiya ya Afrika Mashariki.

Hata hivyo ripoti hiyo imebainisha kuwa dunia kwa ujumla imeporomoka kwenye aina hiyo ya uwekezaji kwa asilimia 16 hadi kufikia kiasi cha sh. Trilioni 1.2 katika kipindi cha mwaka 2014 hali iliyosababishwa na mdororo wa uchumi wa dunia sambamba ukosefu wa sera rafiki katika uwekezaji miongoni mwa mataifa mengi duniani.

Akizungumza kwa niaba ya Waziri wa Uwekezaji na Uwezeshaji, Muhandisi Christopher Chiza katika hafla ya uzinduzi wa ripoti hiyo uliofanyika jijini Dar es Salaam jana, Katibu Mkuu Ofisi ya Waziri Mkuu, Dk. Flolence Turuka alisema kiasi cha uwekezaji huo hapa nchini kimekuwa zaidi kwa mwaka 2014.

Alisema katika mwaka 2014 taifa lilifanikiwa kuvutia uwekezaji wenye thamani ya sh. Milioni 2,142 ikilinganishwa na kiasi cha sh. Milioni 2,131 mnamo mwaka 2013.

“Kiasi hiki ni kikubwa zaidi ikilinganishwa na kiwango cha chini zaidi cha dola  640 kati ya mwaka 2005-2007 (kabla ya mgogoro wa uchumi). Mafanikio haya yanatokana na uvumbuzi wa gesi hapa nchini na hivyo kuifanya nchi yetu kuendelea kuwa kinara kwenye aina hii ya uwekezaji ililinagnishwa na nchi nyingine wanachama wa Jumuiya ya Afrika Mashariki,’’ alisema.

Kwa mujibu wa ripoti hiyo Uganda inashika nafasi ya pili katika ukanda wa Afrika Mashariki kwa kuvutia uwekezaji wenye thamani ya Dola za kimarekani bilioni 1.147  ikifuatiwa na Kenya iliyovutia Dola za Kimarekani milioni 989.

Nchi za Rwanda na Burundi zimeshika nafasi ya nne nay a tano kwa kuvutia uwekezaji wa thamani ya dola za Kimarekani milioni 268 kwa Rwanda huku Burundi ikifanikiwa kuvutia aina hiyo ya uwekezaji wenye thamani ya Dola za Kimarekani  milioni 32.

Zaidi ripoti hiyo imebainisha kuwa Afrika Kusini ndio inaoongoza barani Afrika kwa aina hiyo ya uwekezaji kwa mwaka 2014  hukunafasi kama hiyo ikishikiliwa na  China katika ngazi ya kidunia, ikifuatiwa na Hong Kong huku Marekani ikitajwa kushika nafasi ya tatu.

Zaidi ripoti hiyo imebainisha kuwa katika mataifa kumi yanayofanya vizuri kwenye aina hiyo ya uwekezaji, nusu yanatoka kwenye kundi la mataifa yanayoendelea yakiwemo Brazil, Hong Kong, India na Singapore.

Katika mazingira haya kuna haja ya kuimarisha sera za uwekezaji za kimataifa ikiwa ni pamoja na Makubaliano ya uwekezaji ya kimataifa (IIA) huku pia suala la kodi za kimataifa likipewa kipaumbele,’’ alisema.

Katika hotuba yake ya ufunguzi,  Mwenyekiti wa Bodi ya Kituo cha Uwekezaji hapa nchini (TIC),Prof. Lucian Msambichaka pamoja na mambo mengine alikipongeza kituo hicho kwa jitihada zake katika kuvutia uwekezaji hapa nchini sambamba na kupunguza vikwazo katika uwekezaji huo.

13:13